Kuneş batar, süküt bulur göl, ırmaq, çay,

Tuman yatar töpelerniñ arqasına.

Çatırdağnıñ qulağına asılğan Ay

Beñzemezmi yaş kelinniñ sırğasına?

Men de dertli gecelerniñ bir sırdaşı,

Eski Çatır sırın açar, dep arz ettim.

Yüregimde ana yurtnıñ topraq, taşı...

Kuneşimniñ doğmasını çoq istedim.

Kün doğmadı Qırımımnıñ semasında,

Ağlaysıñmı, kederlenip, yanasıñmı?

Qırım, Qırım! Boyle suvuq gecelerde

Sen de meni yahşı söznen añasıñmı?

Cınğız Dağcı